متل ما الكل ما بيعرف ومابعرف ليش مش عم ينحكى عالموضوع بس اول نقابة بلبنان بتمرق انتخاباتا بلا ضوضاء
هي نقابة الممرضات والممرضين وبس شاطرين يزقفولنا عالبلكون وقت للازم يتضوا على امورنا من لاقي التغييب متعمد
عنا انتخابات للنقيب والاعضاء ب٢٠ الشهر ولا حدا دريان
ونحنا كمنتسبين حقنا نعرف من اترشح وحقنا توصلنا من الاعلام والسوشيل ميديا.
لأنو ببساطة حقنا نغير!!!
نكسر هيدا الروتين من نقيب للاخر
صوتنا المش مسموع لازم نوصلوا
من بعد القرف والتعب لمرقنا فيهن بهالسنتين بالذات!!! وما لاقينا شي من التقدير ولا حتى اتحركت النقابة لاتجبلنا حقوقنا المعيشية!
ومن بعد ما استشهدلنا خيرة من الممرضات ودمرت المستشفيات فوق راسنا!!! وما حدا قدرنا ولا حسينا انو ورانا نقابة قوية!!
لازم نكون التسونامي بهالانتخابات
بدنا نقيب يكسر كل التقاليد
نقيب مدني ووطني
نقيب بيعرف مشاكلنا وبيعرف مستشفياتنا واحوالنا ومعاشاتنا
نقيب قوي بين النقابات الصحية
نقيب بيعرف يقربنا من بعضنا ولو كنا بغير محافظات
نقيب بيجمعنا عكلمة وبيركض ورا حقوقنا
نقيب حر ما بيخضع لمؤسسة استشفائية او بتأثر عليه
نقيب قوي بوحد كلمتنا من دون شد عصب
زهقنا الروتين وبدنا نجرب التغيير
وبدنا التغيير يبلش من جوا
